Itsastxorien bindikapena / Omar Nabarro ; azala eta [barruko irudiak, Fernando Sanz]

Omar Nabarroren "Itsastxorien bindikapena" liburuan beste hiru liburuki edo sail biltzen dira. Lehena, liburuari berari izenburua ematen diona; bigarrena "Tristuraren inbentarioa"; eta azkena "Alkodola". Hiru sail horietan zehar Nabarro idaztankera ezberdin eta ugarietan entseiatzen da, estilo propioa eta bereizgarri izango den baten bila. Jario luzeko poemekin batera, poema labur eta ziztagarriak tartekatzen dira itsasotik hasi eta tristura iraganez alkodolan amaitzen den bidaia bat irudikatuz. Ironia ez zaio oso arrotz idazle honi, baina badaki ironia horrekin batera egunero bezperarekiko nahiz biharamonarekiko izan ohi dugun nostalgia behar bezala berrizten. Poema neurtuetan bezain ongi maneiatzen du Nabarrok erritmoa librekoetan, urarenak ez diren bustiduraz blaituz lerroak.