Kultura proletarioaz / Joxe Azurmendi

Iraultza sobietarrak literaturan sortu zituen joeren artean, lehenengoa mogimendu proletkulturala da. Mogimendu hau 1917an eta 1921aren artean ibili zen nagusi. Epe honen inportantzia berez agiri bada ere, doi-doi ezagutzen da. Joxe Azurmendiren liburu hau, mendebaldeko hizkuntzetan agertzen den mogimendu proletkulturalaren lehenengo historia duzu. Autoreak, urte haietako dokumenduak azterkatuz, mogimendu honen teoria eta praksia erakusten dizkigu. Mogimendu proletkulturala, iraultzagile sobietarren hegal ezkertiar radikalak osatu zuen. Proletkulturalistek arte ta kultura burgesak zeharo likidatu nahi zituzten. Haien ordez arte ta kultura proletario hutsak eta garbiak sortzeko. Kultura klasistaren hauziak, eta arte burges ala proletarioaren problemak, Euskal Herrian ere eztabaidan daude. Horregatik, liburu hau ez duzu historiko soila: problema horien eztabaidan parte hartzen du.