Sauna on : Finlandiatik Euskal herrira, bidaia bat saunaren bihotzera / [edizioa eta poesiak, Joseba Ossa ; testuak eta argazkiak, Kristina Berasain , ilustrazioa, Elena Rodriguez]

Liburu hau bidaia baten ondorio da. Baita maitasun istorio baten emaitza ere. Joseba Ossa Finlandiarantz abiatu zen 1986an, bizikletaz, eta hiru urteko egonaldiaren ondoren, Mia Rissanen bikotearekin itzuli zen Euskal Herrira. Orduz geroztik, dozenaka sauna ekarri ditu handik gertukoentzat. Eta saunaren bihotza den "kiuas" edo estufak ekartzearekin batera, saunaren kulturaren oinarrizko filosofia gerturatzen ere saiatu da. Euskal Herrian eta inguruetan zabaldutako hazietako askok fruitua eman dute, eta horietako batzuk bisitatu ditugu liburu hau egiteko. Saunarik sauna ibili gara, mendebaldetik ekialdera eta iparraldetik hegoaldera, eta jende ederra topatu dugu, leku ederretan, sauna bizipen ederrekin. Bestetik, Urbasa azpiko basoen bihotzean amets bat bete zuen Josebak duela hamar urte. Artatzako kanpin xarmagarrian bertako egurrez berotzen den sauna finlandiarra eraiki zuen, publikoa. ur beroko bainuontzia eta Laponiako kota batekin batera. Bertako sutondotik milaka lagun pasa dira urteotan. Liburu honetako orriotan abentura honen xehetasunak ezagutzeko aukera izango duzu, baita saunaren berotasunean inspiratutako gogoetak eta poemak irakurtzeko ere. On egin! Eta esperientzia eder hau dastatzeko aukerarik baduzu, gozatu eta... Sauna on!