Administrazio Publikoen analisirako sarrera / Adela Mesa del Olmo ... [et al.]

Gaur egun Gobernu eta Administrazio Publiko gisa ezagutzen dugunaren konplexutasuna dela eta (funtzioen, antolakundeen, kudeaketa-tekniken eta beste eragile soziopolitiko batzuekiko erlazio ugarien aniztasuna barne hartuta), Administrazio publikoen analisirako sarrera eskuliburuak gaiari buruzko egungo tresnetara, interpretazio-ereduetara, testuinguruetara eta eztabaidetara hurbiltzea eskaintzen du. Ikuspegi politologikoa du nagusiki, eta unibertsitate-mundura zuzenduta dago, irakaskuntzarako eta oinarrizko ikerketarako, baina baita liburuan jorratzen diren administrazioei eta gobernuei buruzko gaiak aztertzeko interes pertsonala eta profesionala dutenei ere. Azterketa eta irakaskuntza gai bera, Administrazioa eta Kudeaketa Publikoa, partekatzen duten UPV/EHUko irakasle talde baten lan kolektiboa da. Motibazio nagusia izan da, alde batetik, modu didaktiko eta erakargarrian egile bakoitzak urteetan zehar landu dituen informazioa eta ekarpenak eskuliburu honetan biltzea eta, bestetik, administrazio publikoei buruzko ikasketetan eskaintza bibliografikoan eta dokumentu-iturrietan parekotasun elebiduna, euskaraz eta gaztelaniaz, lortzen laguntzea.