Bioi / Fito Rodriguez

Testu honen bidez gure poetika modernoaren ardatzetara gerturatuko gara. Joxe Azurmendiren eta Gabriel Arestiren poesiak, alderagarriak izan arren, alderraiak dira eta paralelotan ulertu beharra dagoelakoan nago. Eta alderantzizko norantzan, gainera. Bi obra, bi bide. Paraleloak. Eta elkarri norabidearen kontra. Zentsurek eta debekuek markatu dute euskal kulturaren garapena eta, nola ez, aurreko mendearen hirurogeigarren hamarkadan sortutako proposamenak ere oraingoz irauten duen subordinazio giroaren kontrako emaitzak dira. Gure historia, gure hizkuntza, gure literatura, aipatu testuinguruan kokatzeko premia daukagu. Hona hemen, horretarako, hizkuntza poetikoaren bidezko saiakera edota gure literatura eta historia ulertzeko proposamen poetikoa... zer ote den zuk ebatziko duzu, irakurle.