Garapena eta iraunkortasuna : bilakaera, bateragarritasuna eta ikuspegiak / Iker Etxano Gandariasbeitia; Hegoa

Bilakaera historikoari jarraikiz, garapena eta iraunkortasunaren arteko harremana aztertuko da, alegia, garapen/iraunkortasun binomioa Ekonomia alorretik nola ulertzen den. Ibilbide horretan, lehenik, pentsaera ekonomikoak iraunkortasunaren barneratu duen birpasatuko da. Jarraian, bai Meadows Txostenak bai Brundtland Txostenak egindako ekarpenak aztertuko dira, oro har, garapen-eredu ezberdinek iraunkortasunaren inguruan duten ikuspegia azalduz. Azkenik, egungo garapen-eredu globalaren iraunkortasunik eza aztertuko da Ipar-Hego dialektikaren testuinguruan, eta baita azpimarratu ere etorkizunera begira aurreikus daitekeen ohiko ikuspegiaren ibilbide-orria zein postgarapenaren alorrean kokatzen diren proposamen alternatiboak.