Gaupasak / Juanjo Olasagarre

"Gaupasak" gau bidaia baten inguruan kiribildutako poemak dira, ispiluaren aurretik goizaldera garamatzatenak. Tartean jantziak eta hatuak, desioaren bideak, desioak eta larruak. Ez da Juanjo Olasagarreren lehen liburu hau poemario samurra, ihes egiten dio arbizuarrak hitz errazari, dohaineko irudiari. Sentiberena da gaua. Eta ezin hitzik gabe igaro. Badu hala ere "Gaupasak" honek intransferibletik, pertsonaletik, norberaren hitzari bakarrik atxik dakion argi-ilunik. Minik. Harrika dabilen poeta bait da Olasagarre, eta urrutira botatako harriko bi ditu etxerako. Hortarainokoa da poetak fartsari dion ikara.