DBH-ko ikasleen hizkuntza atxikimendua hobetzeko ikerketa eta esku hartzea [Interneteko baliabidea] / Yolanda Olasagarre, Rosa Ramos, Carlos Vilches

Gure ikasgeletan hizkuntzarekiko motibazioa lantzeko beharra ikusi ondoren, ekin genion MSB bloga sortu eta han jasotako jarduerak elaratzeari. Urte batzuk pasatu dira bloga sortu genuenetik eta irakasleen aldetik jaso dugun erantzuna ona izan da jarduerak gelaratzean ikasleengan sortutako emaitzei begira. Bide horretan sakondu nahi izan dugu, jakiteko gure planteamendua egokia zen ala ez. Batetik, hizkuntzarekiko ikasleen bizipenak, sentimenduak eta emozioak ezagutzeko beharra genuen; eta, bestetik, bizipen eta sentimendu horiek hobetzeko bidean zein eskuhartze egin zitekeen aztertu nahi genuen. Ondoko orrietan jasotzen dena bi helburu horiek aztertzeko ikerketaren eta esku-hartzearen nondik norakoak zein emaitzak aurkezten ditugu. Egindako ikerketa eta esku-hartzea jasotzen du artikulu honek.