Carmen / P. Mérimée ; Maria Garikanok euskaratua

Mériméek idatzi zuen Carmen hau, jatorrizkoa eta lehenengoa, eta baita literarioki hoberena ere, oso irakurle gutxik eduki du begien aurrean. Beste hainbat pertsonai klasikori gertatu bezala, opera eta abar luze baten bitartez lortutako ospeak kalte egin dio; ospea, bere kasuan ere, ahantzia izateko modu bat besterik ez da izan. Ordea, merezi du ospea Mériméeren nobela laburrak: merezi du mundu osoan istorio entretenigarri bezain sakona delako, eta merezi du Euskal Herrian bere bi pertsonai nagusiak -Carmen bera eta José Lizarrabengoa bandoleroa- euskaldunak direlako, Etxalarkoa bata eta Elizondokoa bestea. Merezimendu horri amore ematea izan da, hain zuzen ere, Pamiela eta Emak Bakia Baita-ren asmoa.