Euskara jendea [Bideoa] : gure hizkuntzaren historia, gure historiaren hizkuntza

- DVD 1: Historiaren atarian - DVD 2: Erromako inperioan - DVD 3: Aniztasunaren bidean - DVD 4: Mugetan gaindi - DVD 5: Gerren arteko pizkundea - DVD 6: Mundua osatzen

Elkarrizketatuak: Neskuts Izagirre (EHUko Antropologia irakaslea), Diego Garate (Bizkaiko Arkeologi Museoko arkeologoa), Joaquin Gorrotxategi (EHUko Hizkuntzalaritza Indoeuroparreko katedraduna), Jacques Blot (arkeologoa), Elena Torregarai (EHUko Antzinaroaren Historiako irakaslea, Mertxe Urteaga, (Oiasso Erromatar museoko zuzendaria), Nodge Nolan (Colchester Roman Society elkarteko kidea), Juan Jose Larrea (EHUko Erdi Aroaren Historiako irakaslea), Belen Bengoetxea (EHUko Erdi Aroko arkeologian berezitutako irakaslea), Joseba Lakarra (EHUko Euskararen Historia eta Gramatika Historikoko katedraduna), Antonio Breschi (konpositorea eta piano-jotzailea), Joseba Agirreazkuenaga (EHUko Historia katedraduna), Beñat Oihartzabal (euskaltzaina eta IKER-CNRS zentroko ikerlaria), Miren Egaña Goya (Batxillergo Institutuko Euskara katedradun ohia), Peter Bakker (Danimarkako Aarhus Unibertsitateko ikertzailea), Iñaki Camino (filologoa eta EHUko irakaslea), Lourdes Otaegi (EHUko Hizkuntzalaritza eta Euskal Ikasketak Saileko irakaslea), Jurgi Kintana (Historian doktorea eta Udako Euskal Unibertsitateko kidea), William Douglass (antropologoa eta Nevada-Renoko Unibertsitateko Euskal Ikasketen Zentroaren bultzatzaile nagusia), Jose Angel Irigaray (idazlea eta kulturgilea), Jon Sarasua (kulturgilea eta irakaslea), Amaia Aire (irakaslea eta abeslaria), Iratxe Esnaola (informatika-ingeniaria eta PuntuEus elkarteko kidea).

"Euskara Jendea: gure hizkuntzaren historia, gure historiaren hizkuntza" Ibaizabal-Mendebalde eta Zenbat Gara elkarteak ekoitzitako dokumental sorta da. Iraupen ertaineko sei atalek osatzen duten dibulgaziozko lan honekin publiko zabal bati aurkeztu nahi zaio euskararen eta bere herriaren historia. Euskara Jendea egitasmoak Xamarrek 2006an Pamiela argitaletxean argitaratutako izenburu bereko liburua du abiapuntu eta ikus-entzunezko esparruan zegoen hutsunea betetzera dator. Dokumental sortan maila goreneko hizkuntzalariek, historialariek, arkeologoek, antropologoek eta kulturgileek parte hartu dute. Gainera, irudi eta musika landuak oso erakargarri egiten dute ekoizpena.

Lan hau euskaldunon hiztun komunitatearen historiaren ildo nagusiak azaltzen saiatzen da. Historiaurretik abiatuta gaur egunera arte, euskaldunak herri, kultura eta hizkuntza askorekin bizi izan dira bere hizkuntza galdu gabe. Menderik mende haien eragina nabarmena jaso dute baina, hala ere, iraun egin dute hiztun komunitate moduan.
Historia hori kontatzeko, dokumentalek hamaika adituren parte hartze ezinbestekoa dute. Historialari, hizkuntzalari, arkeologo eta kulturgile ugarik eramaten gaituzte euskararen historiako bideetan barrena. Haiekin batera, Euskal Herriko zein atzerriko txoko eta kokapen esanguratsuen irudiak (orain arte inolako ekoizpenetan agertu gabeak batzuk), garai historiko bakoitza girotzeko dramatizazio txikiak, ilustrazio eta grafismo erakargarriak eta atal bakoitzerako egokitutako musika aurkituko dugu dibulgaziozko dokumental sorta honetan.
Euskara Jendea dokumental saila ezer bada, talde lana da. Lan talde nagusia Xamarrek, Mikel Arredondok, Hibai Castrok, Adur Larreak, Lutxo Egiak, Lon Fernandezek eta Maria Uriartek osatzen badute ere, kolaboratzaile sare zabala du inguruan.

Hizkuntza: euskara; azpitituluak euskaraz, gaztelaniaz, frantsesez, ingelesez, katalanez, gailegoz eta txineraz