Fisikaz blai / egilea, Mikel Lizeaga

Liburu honen helburua, Fisika koalitatiboki ongi ulertaraztea da; kontzeptuen muina adieraztea, alegia. Horretarako formulak eta zenbakiak ahalik eta gutxien erabili dira, garrantzitsuena kontzeptuaren izaera (eta ez kantitatea edo kopurua) argitzea delako. Irakurleari Fisikazko gai edo arazo jakin bat galdera eginez planteatzen zaio, bere kabuz erantzuna eman dezan. Batzuetan erantzuna zuzen ematea ez zaio hain erraza gertatuko eta agian bere baitan zalantza bat baino gehiago izango du. Izan ere, askotan gure ustez ongi ikasitako kontzeptuak ez baititugu behar bezain sendo eta seguru geureganatuta edukitzen. Liburuan, galdera bidez gaia aurkeztu ondoren, erantzuna ere badator. Erantzunean ideiak eta arrazoiak xehetuta ematen dira, irudiak ere, argigarri, ugari erabiltzen direlarik.